A LOVE-LESS LETTER

ചിലതുണ്ട് ...

ചിലതുണ്ട് സ്നേഹം
പുഴ പോലെ ഒഴുകുന്നത്‌
വേനലിൽ വരളുന്നത്‌
മഴയിൽ കുതിചൊഴുകുന്നത്
ചിലതുണ്ട് സ്നേഹം കടൽ പോലെ
അകന്നാലും വീണ്ടും
കരയത്ത് വന്നുരുമ്മുന്നത്...ചിലതുണ്ട് അളക്കാതെ ആറ്റിലെറി യുന്നത്‌
ചിലതുണ്ട് പല തുണ്ടങ്ങളായൊതുങ്ങുന്നതു
ലാവ പോൽ തിളക്കുന്നത്‌
മുഖം വെളുപ്പിച്ചു
ഉള്ളു കറുപ്പിക്കുന്നത്
ചിലതുണ്ട് പാഴ് വള്ളി പോലെ 
പടര്ന്നു കയറുന്നത്
പൂവിതളുകൾക്കിടയിൽ നിന്ന്
പടമുയര്തുന്നത്
ചിലതുണ്ട് 
പരാദങ്ങളെപ്പോലെ അലയുന്നത്
ദംഷ്ട്രകൾ നീട്ടി
രക്തമൂറ്റുന്നതു
ചിലതുണ്ട്...മരുഭൂമിയിലാദ്യത്തെ
തുള്ളി പോൽ
ഉതിര്ന്നു വീഴുന്നത്
ചിലതുണ്ട്
ചിലതുണ്ട് 
'ചില' തുണ്ട്